მარცხი ალკარასთან - ბასილაშვილი მადრიდის მასტერსს გამოეთიშა
ნიკოლოზ ბასილაშვილი მადრიდის მასტერსს დაემშვიდობა. ქართველი ჩოგბურთელი ტურნირის მეორე წრეში მსოფლიო რეიტინგის მე-9 ნომერს, ესპანელ კარლოს ალკარასს შეხვდა და ორ სეტში 3:6, 5:7 დამარცხა.
18 წლის ჩოგბურთელი ტურნირზე მე-7 ნომრად არის განთესილი და წყვილშიც ფავორიტად იყო მიჩნეული. შესაბამისად, ალკარასმა ფავორიტის სტატუსი გაამართლა და 1:23 საათიან დაპირისპირებაში ბასილაშვილი დამაჯერებლად დაამარცხა.
ცნობისთვის, ნიკა დღეის მდგომარეობის ATP-ის რეიტინგში 27-ე ადგილზეა. ქართველი ჩოგბურთელის მომდევნო ტურნირი რომის მასტერსი იქნება, სადაც ბასილაშვილი ასპარეზობაში 8 მაისიდან ჩაერთვება.
