რაფაელ ნადალი, კარლოს ალკარასი
Aa
Aa

ნადალი დამარცხებულია - ალკარასმა რაფას თიხის საფარზე მოუგო

მადრიდის მასტერსის მეოთხედფინალში მსოფლიოს მე-9 ჩოგანმა, კარლოს ალკარასმა რაფაელ ნადალი დაამარცხა და მომდევნო ეტაპის საგზური მოიპოვა. 19 წლის ესპანელმა თანამემამულეს თიხაზე პირველად სძლია და სამ სეტში იმარჯვა.

პირველი სეტი ალკარასის უპირატესობით წარიმართა და კარლოსმა საწყისი 7 გეიმიდან 5 მოიგო. 19 წლის ჩოგბურთელს საქმის ბოლომდე მიყვანა არ გასჭირვებია და მატჩი 6:2 მოგებული პარტიით გახსნა. მეორე სეტი რაფასი იყო. ნადალმა ბრწყინვალედ იასპარეზა და 6:1-ით იმარჯვა, რის შემდეგაც დისაიდერი დაინიშნა. გადამწყვეტი პარტია უკეთ ალკარასმა ჩაატარა და 6:3 მოიგო.

ახალგაზრდა ესპანელი ტოპ 5-ის წევრ ჩოგბურთელს კარიერაში მერვედ შეხვდა და მეოთხე გამარჯვება მოიპოვა, ტოპ 10-ში მყოფი ჩოგბურთელების წინააღმდეგ კი 9 მოგება და 6 წაგება აქვს. ალკარასი ყველაზე ახალგაზრდა ჩოგბურთელი გახდა, რომელიც მადრიდის მასტერსის ნახევარფინალში გავიდა და იგი პირველი თინეიჯერია, რომელმაც რაფას თიხაზე აჯობა.

ალკარასი მომდევნო შეხვედრას მსოფლიო რეიტინგის პირველი ნომრის, ნოვაკ ჯოკოვიჩის წინააღმდეგ გამართავს. ამ უკანასკნელმა დღეს ჰურკაჩი ორ სეტში დაამარცხა და ალკარასთან მატჩს ფავორიტის სტატუსით ხვდება.

მსგავსი სიახლეები

ცხელი ამბები
ასევე დაგაინტერესებთ
„კამერების გარეშე სხვანაირი იყო, კამერებთან - სხვანაირი“ - პიოტრ იანი დვალიშვილზე
„კამერების გარეშე სხვანაირი იყო, კამერებთან - სხვანაირი“ - პიოტრ იანი დვალიშვილზე