„ჯერ არ გამოჩნდი, შემდეგ მიზეზების ძებნა დაიწყე" - ილიამ ევლოევს უპასუხა
UFC-ის ქართველმა მებრძოლმა, ილია თოფურიამ მოვსარ ევლოევის მიერ „ტვიტერის“ საკუთარ გვერდზე გამოქვეყნებულ პოსტს უპასუხა. როგორც მოგეხსენებათ, გუშინ, „ელ მატადორმა“ რუს მებრძოლს მიმართა და უთხრა, რომ მისი მომდევნო მსხვერპლი იყო, რასაც ევლოევი ასე გამოეხმაურა: „დარწმუნდი, რომ წონას ჩააბარებ და ტოპ 10-ში შეხვალ, სანამ ყურადღებას მოგაქცევ რეგვენო“.
ილიამ კომენტარი სწორედ ამ სიტყვებზე გააკეთა და განაცხადა: „ჩვენი პირველი ჩხუბისას არც კი გამოჩნდი. მეორე შანსი როცა მიიღე, თავის გამამართლებელი მიზეზების ძებნა დაიწყე. დარწმუნდი, რომ მომდევნო ბრძოლას მოიგებ და შემდეგ ჩემ წინააღმდეგ იჩხუბებ, ნომერ პირველის წინააღმდეგ. თუმცა ეს რომ მოხდეს, უნდა გაიმარჯვო. ასე რომ, მუშაობა დაიწყე პატარავ და დარწმუნდი, რომ ამჯერად მაინც გამოჩნდები.“
In the first fight you didn’t even appear. For your second opportunity,you’re already making excuses.Make sure you win your next fight and then you will fight against me,the number 1.But for everything to happen you must win so get to work kid and make sure you appear to this one https://t.co/5hSiLJNZwO
— Ilia Topuria (@Topuriailia) May 10, 2022
შეგახსენებთ, რომ ევლოევსა და თოფურიას რამდენიმე თვის წინ უნდა ეჩხუბათ, მაგრამ რუსმა მებრძოლმა ოქტაგონზე გასვლაზე უარი კორონავირუსით ინფიცირების გამო თქვა. მის ნაცვლად ილია შარლ ჟურდენს უნდა შეხვედროდა, მაგრამ ექიმებმა წონის კლების პროცესის შეწყვეტა მოსთხოვეს.