ჩემპიონთა ლიგა, სუპერ ლიგა, ალექსანდრ ჩეფერინი
Aa
Aa

ჩეფერინი: ახალი ჩემპიონთა ლიგის შექმნა სუპერლიგის კუბოში ბოლო ლურსმანია

უეფას პრეზიდენტმა ალექსანდრ ჩეფერინმა ჩემპიონთა ლიგის ახალ ფორმატზე ისაუბრა, რომლის მიმართაც ბოლო დღეებში დიდი კრიტიკაა.

„ე.წ სუპერლიგის იდეა გიჟურია. მისი გაშვება ნიშნავს ფეხბურთის სრულ განადგურებას, სპორტის ევროპული მოდელის დასასრულს.

ახალი ჩემპიონთა ლიგის შექმნა სუპერლიგის კუბოში ბოლო ლურსმანია. ის ბევრად ადრე იყო განწირული, მაგრამ ახლა ჩვენ იგი სრულად უნდა დაგვესრულებინა. ერთხელ და სამუდამოდ. მინიმუმ 20 წლის განმავლობაში.

დიდი კლუბები უფრო მეტ მატჩს ითამაშებენ თავიანთი დონის გუნდების წინააღმდეგ, მაგრამ ასევე შეხვდებიან პატარა გუნდებს. ისინი, თავის მხრივ, ასევე ითამაშებენ თავიანთი კატეგორიის კლუბებთან და ექნებათ მეტი შანსი, რომ გავიდნენ პლეი ოფში“,

- თქვა ჩეფერინმა STA-სთან ინტერვიუში.

ლიგის ახალი ფორმატით კლოპიც უკმაყოფილოა

„მეტი თამაში ყოველთვის ცუდი იდეაა. ამაზე ბევრი ვისაუბრე. ცხადია, არავის აინტერესებს, ასე რომ... კარგი, დრო არ მქონდა დეტალებისთვის, მაგრამ ამ თემაზე ცოტა მსმენია, თუმცა აზრის ჩამოყალიბების შანსი ჯერ არ მქონია.

ჩეფერინი? (უეფას პრეზიდენტი) მან მესიჯი მომწერა. მე ვუპასუხე, რაც ვუპასუხე - ფეხბურთი უფრო ქომაგებზე უნდა იყოს ორიენტირებული. შემოსავლის 93% მიდის კლუბებში... მე ვუთხარი: „კარგი, შეიძლება ამ დისკუსიისთვის იდეალურად არ ვარ მომზადებული, მაგრამ ჩემი აზრი მაქვს“. ამის შესახებ ბევრი რამ არ ვიცოდი“.

მსგავსი სიახლეები

ცხელი ამბები
ასევე დაგაინტერესებთ
სალაჰი: ჩემს პოზიციაზე მსოფლიოში საუკეთესო ვარ
სალაჰი: ჩემს პოზიციაზე მსოფლიოში საუკეთესო ვარ