"ის საკვანძო ფეხბურთელია" - ჩავის დე იონგის წასვლა არ უნდა
ესპანელმა ცნობილმა ჟურნალისტმა ხერარდ მორენომ „ტვიტერის“ საკუთარ გვერდზე დაწერა, რომ ზაფხულის სატრანსფერო ფანჯრის დროს ფრენკი დე იონგი „ბარსელონას“ დატოვებს და „მანჩესტერ იუნაიტედს“ შეუერთდება.
ამ ფაქტს არაერთი ცნობილი ადამიანი გამოეხმაურება. ჟურნალისტები ბარსას მწვრთნელს, ჩავი ერნანდესს ხშირად უსვამენ კითხვებს, მაგრამ ესპანელი სპეციალისტი პასუხისგან თავს იკავებს.
„ბლაუგრანას“ ლეგენდას, დე იონგთან დაკავშირებული კითხვები ყელში ამოუვიდა და განცხადება გაავრცელა, რომელიც ფაბრიციო რომანომ „ტვიტერის“ საკუთარ გვერდზე დადო.
ჩავი:
„ბევრჯერ ვთქვი, რომ ფრენკი მნიშვნელოვანი და საკვანძო ფეხბურთელია. აქ საქმე გუნდის ფინანსურ მდგომარეობასაც ეხება და ყველაფერი მალე გადაწყდება. ზოგადად, ფრენკის შესახებ არ ვსაუბრობთ“
Barça manager Xavi on Manchester United and Frenkie de Jong: “I have said many times that Frenkie is very important. He’s key player”. ???? #FCB
— Fabrizio Romano (@FabrizioRomano) May 14, 2022
“…then there is also the financial situation of the club and it has to be decided. I'm not talking about Frenkie, in general”. #MUFC pic.twitter.com/dibtbSaNx8
შეგახსენებთ, რომ ნიდერლანდელი ნახევარმცველი კატალონიურ გრანდს 2019 წელს შეუერთდა. 2019 წლიდან დღემდე, დე იონგმა „ბარსელონას“ მაისური ყველა ტურნირზე ერთად 138-ჯერ მოირგო, 13 გოლი გაიტანა და 17 საგოლე გადაცემა შეასრულა.