"რა თქმა უნდა ფინალში ვითამაშებ" - სალაჰის ტრავმა სერიოზული არ აღმოჩნდა
ინგლისის ასოციაციის თასის ფინალში „ლივერპულს“ „ჩელსისთან“ გამარჯვების შემდეგ მაინც უსიამოვნო გრძნობა დარჩა, რადგან „მერსისაიდელებმა“ ამ შეხვედრაში მო სალაჰი და ვირჯილ ვან დაიკი დაკარგეს, თუმცა როგორც დღეს გაირკვა, იურგენ კლოპს საქმე სანერვიულოდ არ ექნება.
33-ე წუთზე მოედნიდან გასული სალაჰის შესახებ თავად კლოპმა ისაუბრა და აღნიშნა, რომ ეს მისი გადაწყვეტილება იყო.
Mo Salah comes off for Liverpool with an apparent injury ???? pic.twitter.com/FbxOGlg0BS
— ESPN FC (@ESPNFC) May 14, 2022
„სამშაბათს საუთჰემპტონთან მატჩისთვის ისინი მზად არ იქნებიან, თუმცა ორივე მათგანი წესრიგშია. ვფიქრობ, მათ არაფერი ემუქრებათ. მოსა და ვირჯილის შეცვლა უფრო მეტად ჩემი მხრიდან სიფრთხილის გამოჩენა იყო. სალაჰმა რაღაც იგრძნო, ტუმცა თქვა, რომ თამაშის გაგრძელება შეეძლო. მე კი გადავწყვიტე, რომ შემეცვალა.
როცა მინდორზე ყოფნისას დისკომფორტს გრძნობ, სამკურნალოდ თამაშის გაგრძელება საუკეთესო ვარიანტი ნამდვილად არ არის.
ვან დეიკი? აქ ყველაფერი ცხადია, მას 120 წუთის თამაში არ შეეძლო, მხოლოდ 90-ისთვის იყო მზად“.
- აღნიშნა კლოპმა.
სალაჰის ტრავმის შესახებ ინფორმაციას ცნობილი იტალიელი ჟურნალისტი ფაბრიციო რომანოც ავრცელებს და წერს:
„FA თასის ფინალში მო სალაჰმა მოედანი ტრავმის გამო დატოვა...
შემდეგ მას ჰკითხეს: „მზად იქნები ჩემპიონთა ლიგის ფინალისთვის?"
მისი პასუხი იყო: „რა თქმა უნდა“.
ამრიგად, როგორც ჩანს კლოპს სანერვიულო არ აქვს და 28 მაისისთვის მის განკარგულებაში სრული საბრძოლო შემადგენლობა იქნება.
