ნაცნობი მწვრთნელი დორტმუნდში - ტერზიჩთან სამწლიანი კონტრაქტი გაფორმდა
''დორტმუნდის'' მთავარ მწვრთნელად ედინ ტერზიჩი დაინიშნა, მხარეებს შორის სამწლიანი კონტრაქტი გაფორმდა, 39 წლის სპეციალისტი აღნიშნულ პოსტზე 2025 წლამდე იმუშავებს. მას ''დორტმუნდში'' მუშაობის დიდი გამოცდილება აქვს, კლუბში არსებულ გარემოს კარგად იცნობს.
2021-22 წლების სეზონში ''დორტმუნდს'' მარკო როზე წვრთნიდა, სეზონის დასრულების შემდეგ პოსტი დატოვა.
Borussia Dortmund has agreed to terms with Edin Terzic to become the new first-team head coach on a contract until 2025 ???? pic.twitter.com/7PCDEM7Eyn
— Borussia Dortmund (@BlackYellow) May 23, 2022
2018 წელს ტერზიჩი ''დორტმუნდის'' მთავარი მწვრთნელის, ლუსიენ ფავრის ასისტენტად დაინიშნა. 2018-19 წლების სეზონში ფავრის ავადმყოფობის გამო ''ჰოფენჰაიმთან'' შეხვედრაში მთავარი მწვრთნელის ფუნქციები ტერზიჩმა და მანფრედ სტეფესმა შეასრულეს.
2020 წლის დეკემბერში ფავრიმ პოსტი დატოვა, სეზონის ბოლომდე მთავარი მწვრთნელის მოვალეობის შემსრულებლად ტერზიჩი მუშაობდა. მისი ხელმძღვანელობით ''დორტმუნდმა'' 2020-21 წლების სეზონში გერმანიის თასი მოიგო.