რეიტინგმა საშუალება მისცა - გორგოძე უიმბლდონის ძირითად ბადეშია
27 ივნისს საჩოგბურთო სამყაროში უიმბლდონი აიღებს სტარტს. რა თქმა უნდა, ნიკოლოზ ბასილაშვილს ინგლისში ვიხილავთ, თუმცა ამის პარალელურად საკმაოდ კარგი ინფორმაცია გავრცელდა.
უიმბლდონის წესების მიხედვით, ძირითად ბადეში რეიტინგის პირველი 128 ჩოგბურთელი ხვდება. ამ მომენტისთვის, ეკო გორგოძე 580 ქულით 113-ე ადგილს იკავებს. აქედან გამომდინარე, ქართველი ჩოგბურთელი ძირითად ბადეში იასპარეზებს და მას კვალიფიკაციის გავლა არ მოუწევს.
ცნობისთვის, უიმბლდონზე ზოგადად ერთეულთა თანრიგში 144 მოთამაშე იღებს მონაწილეობას. დარჩენილ 16 ადგილს კი კვალიფიკაციიდან გადმოსული ჩოგბურთელები შეავსებენ, რისთვისაც კიდევ ერთი ქართველი მარიამ ბოლქვაძე იბრძოლებს. ცნობისთვის, ბოლქვაძე 358 ქულით 185-ე WTA-ს ოფიციალურ რეიტინგში185-ე ადგილს იკავებს.
შეგახსენებთ, რომ ეკო გორგოძეს დიდი სლემის ტურნირის ძირითად ბადეში ერთხელ აქვს ნათამაშები. ქართველი ჩოგბურთელი გასულ წელს „როლან გაროსზე“ გავიდა, თუმცა პირველივე წრეში დანიელ კლარასთან წააგო.
