კარდიფის მწვრთნელს შეხვდა - ბეილი მშობლიურ კლუბში?
გარეთ ბეილმა „სამეფო კლუბი“ დატოვა და მისი მომავალი ბურუსით არის მოცული. სპორტული სააგენტოების ნაწილი წერს, რომ მსოფლიო ჩემპიონატის დასრულების შემდეგ, ბეილი კარიერას დაასრულებს, თუმცა ლოგიკურია, რომ ის მუნდიალს ოპტიმალურ ფორმაში უნდა შეხვდეს.
აქედან გამომდინარე, „რეალის“ ყოფილ ფეხბურთელს სათამაშო პრაქტიკა სჭირდება. WalesOnline-ის ინფორმაციით, გარეთი დღეს „კარდიფ სიტის“ სტადიონზე შენიშნეს, სადაც გუნდის მთავარ მწვრთნელს სტივ მორისონს ესაუბრებოდა.
Exclusive: Gareth Bale visited Cardiff City's training base today and spoke with Steve Morison for the first time.
— Glen Williams (@GlenWilliams12) June 22, 2022
+ Told he will make decision in coming days
+ Going on hols again until July 16
+ Vincent Tan keeping very close tabs on it #CCFC #Bluebirds https://t.co/SvBGD8ikJz
სპორტულ მედიაში გაჩნდა ჭორები, რომ ბეილი მშობლიურ კლუბს დაუბრუნდება, რათა მსოფლიო ჩემპიონატისთვის იდეალურად მოემზადოს. „კარდიფ სიტი“ მისთვის იდეალური ვარიანტი იქნება, რადგან 32 წლის შემტევი საკუთარ ქვეყანაში ძალიან უყვართ და მას სტადიონზე არავინ დაუსტვენს. მეტიც, უელსის ნაკრების მუნდიალზე მოხვედრა მეტწილად გარეთის დამსახურებაც არის.
აღნიშნული წყარო წერს, რომ ბეილის და მორისონის პირადი საუბარი დიდი წინ გადადგმული ნაბიჯია. როგორც ცნობილია, „კარდიფ სიტი“ ფინანსების მოძიების პროცესშია, რათა გარეთს მოთხოვნილი ხელფასი დაუკმაყოფილოს.
შეგახსენებთ, რომ „კარდიფ სიტი“ გასულ სეზონში ინგლისის ჩემპიონშიფში ასპარეზობდა, სადაც 46 ტურის შემდეგ, 54 ქულა დააგროვა და მე-18 პოზიციაზე გავიდა. შესაბამისად, მორისონის გუნდი მომავალ სეზონშიც ინგლისის რანგით მეორე ლიგაში ითამაშებს.
