ხელაიფი: მომავალ სეზონში ყველა დროის საუკეთესო მესის ვიხილავთ

პსჟ-ს პრეზიდენტმა ნასერ ალ-ხელაიფიმ გუნდში ლიონელ მესის პირველ სეზონზე ისაუბრა და ის დადებითად შეაფასა.

- მესი ცალკე განხილვას იმსახურებს. წარუმატებლობა თუ ადაპტაციის წელი?

„შვიდი ოქროს ბურთის მქონე კაცზე ასეთი საუბარი არ შეიძლება. მესიმ ისტორია დაწერა. ეს არ იყო მისი საუკეთესო სეზონი, მაგრამ ბარსელონაში ოც წელზე მეტი ხნის შემდეგ მან აღმოაჩინა ახალი ქვეყანა, ახალი ქალაქი, ახალი ლიგა, ახალი გუნდი, ახალი კულტურა. მისი ოჯახიც აქ არის.

მას ასევე დაემართა კორონავირუსი. ეს არ იყო ადვილი. მომავალ სეზონში ვიხილავთ ყველა დროის საუკეთესო მესის.

ეს გარიგება ფინანსურად წარმატებული გახდა პირველივე წელს. იგივე მოხდება მბაპესთან დაკავშირებით“,

- განაცხადა PSG-ს პრეზიდენტმა La Gazzetta dello Sport-თან საუბრისას.

პსჟ ნეიმარის გაშვებას გეგმავს

„იქნება თუ არა ნეიმარი პსჟ-ს პროექტში? ამ თემაზე ღიად საუბარი არ შეიძლება. იქნებიან ფეხბურთელები, რომლებიც მოვლენ და ასევე წავლენ. ეს ყველაფერი კერძო მოლაპარაკებაა“.

- ამბობს ნასერ ალ-ხელაიფი.

იტალიური Calciomercato წერს, რომ ტურინის „იუვენტუსს“ „პარი სენ-ჟერმენის“ ფეხბურთელის, ნეიმარის გადაბირების შანსი აქვს. იტალიური გამოცემის მიხედვით, პარიზელთა ახალი სპორტული დირექტორი, ლუიშ კამპუში „ბიანკონერის“ ხელმძღვანელებს დაუკავშირდა და „ნეის“ იჯარის წესით გადაყვანა შესთავაზა.

პარიზელები სახელფასო ჭერის შემცირებას და რამდენიმე ფეხბურთელის გასხვისებას ცდილობენ. ნეიმარი ამ სავარაუდო წამსვლელთა სიაში იმყოფება.