მარცხი უნგრეთთან - საქართველოს ნაკრები მსოფლიოს ჩემპიონატის ფლეი-ოფშია
წყალბურთის მსოფლიოს ჩემპიონატზე საქართველოს ნაკრები უნგრეთთან 14:18 დამარცხდა.
შეხვედრაში ანგარიში საქართველოს ნაკრებმა გახსნა, თავი ვაპენსკიმ გამოიჩინა. პირველ მეოთხედში საქართველოს ნაკრები 3:1-ს იგებდა, თუმცა შემდეგ უნგრელებმა თამაშში გარდატეხა შეიტანეს. საბოლოოდ, უნგრეთის ნაკრებმა დამაჯერებლად გაიმარჯვა.
ქართველი წყალბურთელები ფლეი-ოფში გავიდნენ, სადაც ხორვატიას შეხვდებიან. ხორვატული ბარიერის დაძლევის შემთხვევაში საქართველოს ნაკრები მსოფლიოს ჩემპიონატის 1/4-ფინალში ითამაშებს.
A ჯგუფში საქართველოს ნაკრებმა 1 გამარჯვება მოიპოვა, ორ შეხვედრაში დამარცხდა, მესამე ადგილზე გავიდა და მხოლოდ ბრაზილიას აჯობა. მოგეხსენებათ, პირველ ტურში საქართველომ ბრაზილია 14:10 დაამარცხა, თუმცა შემდეგ მონტენეგროსთან მატჩი 9:10 დათმო, რასაც უნგრეთის ნაკრებთან მარცხი მოჰყვა.
ფოტო: საქართველოს საწყლოსნო ფედერაციის პრესსამსახური