უთანხმოება ტოდ ბოელთან - ჩეხმა ჩელსი დატოვა
ბრიტანული მედიის ინფორმაციით, პეტერ ჩეხმა ტექნიკური დირექტორის და მრჩევლის პოსტი დატოვა მას შემდეგ, რაც რომელუ ლუკაკუს „ინტერში“ დაბრუნების საკითხი გადაწყდა.
გასული წლის ზაფხულის სატრანსფერო ფანჯრის დროს ბელგიელი თავდამსხმელი „ჩელსიმ“ „ინტერიდან“ 115 მილიონი ევროს სანაცვლოდ იყიდა, ხოლო რამდენიმე დღის წინ უკან იჯარის წესით დაბრუნდა.
გამოცემა The Guardian წერს, რომ ყოფილ მეკარეს უთანხმოება „არისტოკრატების“ ახალ მფლობელთან ტოდ ბოელთან მოუვიდა. ჩეხი თვლიდა, რომ ლუკაკუ „ჩელსიში“ უნდა დარჩენილიყო, მაგრამ, როგორც აღმოჩნდა ბოელი ასე არ ფიქრობდა და ჩეხმა თავისი როლი უმნიშვნელოდ აღიქვა.
Petr Cech leaves Chelsea as Maxwell, Edwards and Mitchell linked with sporting director role.
— Guardian sport (@guardian_sport) June 27, 2022
By @JacobSteinberg https://t.co/UFV5d7Lp7s
ჩეხი „ჩელსიში“
ლეგენდარული ყოფილი მეკარე ლონდონურ კლუბს 2004 წელს შეუერთდა და „ჩელსის“ ღირსებას 2015 წლამდე იცავდა. ამ პერიოდის განმავლობაში ჩეხმა ყველა ტურნირზე ერთად 493 მატჩში მიიღო მონაწილეობა. 2012 წელს კი „არისტოკრატებთან“ ერთად ისტორიაში პირველი ჩემპიონთა ლიგა მოიგო.
