კრიშტიანუ რონალდუ, ერიკ ტენ ჰაგი
Aa
Aa

„ეს მიუღებელია“ - ერიკ ტენ ჰაგმა რონალდუ გააკრიტიკა

„მანჩესტერ იუნაიტედის“ მთავარმა მწვრთნელმა, ერიკ ტენ ჰაგმა კრიშტიანუ რონალდუს შესახებ ისაუბრა. ნიდერლანდელი სპეციალისტი „რაიო ვალეკანოსთან“ გამართულ ამხანაგურ მატჩში მომხდარს გამოეხმაურა, როცა კრიშტიანუ საფინალო სასტვენს არ დაელოდა და მეორე ტაიმის მიმდინარეობისას „ოლდ ტრაფორდი" დატოვა.

„რა თქმა უნდა, რაიმე მსგავსს ვერ დავუშვებ. ეს ყოვლად მიუღებელია და საუბარი ყველას ეხება. ჩვენ გუნდი ვართ და ყველა ჩვენგანი მატჩის ბოლომდე უნდა დარჩეს“.

შეგახსენებთ, რომ პორტუგალიელ ფეხბურთელს „ოლდ ტრაფორდის“ დატოვება სურს და მისი აგენტი, ჟორჟე მენდეში ამ საკითხზე აქტიურად მუშაობს. AS-ის ცნობით, რონალდუს „ოცნებათა თეატრიდან“ წასვლა ახალი სეზონის გახსნით მატჩამდე უნდა. კრიშტიანუს აზრით, მისთვის უჩვეულო იქნება, სეზონი ერთ კლუბში დაიწყოს და შემდეგ სხვაგან გადავიდეს. მთავარი პრობლემა ისაა, რომ მას მსურველი ფაქტობრივად არ ჰყავს და მენდეშს ვარიანტების გამონახვა უჭირს.

დაიწერა ისიც, რომ პორტუგალიელს „იუნაიტედთან“ კონტრაქტის გაწყვეტა და ახალი სეზონიდან ჩემპიონთა ლიგაში ასპარეზობა სურს. ჟორჟე მენდეში 1-წლიან იჯარასაც ითხოვს, რომ როგორმე მისმა კლიენტმა წასვლა შეძლოს.

მსგავსი სიახლეები

ცხელი ამბები
ასევე დაგაინტერესებთ
„მარცხენა ფლანგი მისი სამფლობელოა“ - La Repubblica-ს სტატია ხვიჩაზე
„მარცხენა ფლანგი მისი სამფლობელოა“ - La Repubblica-ს სტატია ხვიჩაზე