კაზემირო მანჩესტერს უახლოვდება - რეალმა ფასი დაასახელა
კაზემიროს „მანჩესტერ იუნაიტედში“ ტრანსფერი ყოველი დღის შემდეგ სულ უფრო რეალური ხდება.
ამჯერად ცნობილი ესპანური ვებ გვერდი El Confidential-ი წერს, რომ მადრიდული კლუბი მზადაა 70 მილიონი ევროს სანაცვლოდ ბრაზილიელ საყრდენს შეელიოს.
„რეალი" ითვალისწინებს ბრაზილიელის ასაკს, რომელიც თებერვალში 31 წლის გახდება, ასევე ის ფაქტი, რომ ზაფხულში კლუბმა 80 (+ 20 ბონუსებით) მილიონი ევრო დახარჯა აურელინ ჩუამენის ტრანსფერში.
„მანჩესტერ იუნაიტედი" კაზემიროს ტრანსფერს სტრატეგიულად მნიშვნელოვნად მიიჩნევს და მზადაა გააორმაგოს მისი ხელფასი, რომელიც ესპანეთში წელიწადში 7 მილიონ ევროს იღებს.
ფაბრიციო რომანო კი წერს, რომ უახლოეს საათებში კაზემირო კარლო ანჩელოტის პირისპირ შეხვდება და „იუნაიტედში“ ტრანსფერს განიხილავს. ბრაზილიელისთვის „წითელი ეშმაკების“ წინადადება მაცდურად გამოიყურება.
Casemiro will have a conversation with Carlo Ancelotti in the next hours to discuss his future, as Manchester United contract proposal received yesterday is tempting him. ???????????? #MUFC
— Fabrizio Romano (@FabrizioRomano) August 18, 2022
Man Utd received zero new signals on Frenkie de Jong side in the last month, nothing changed. pic.twitter.com/wp2rqcAISk
შეგახსენებთ, რომ კაზემირო „რეალში" 2013 წლიდან თამაშობს, კლუბთან ერთად მან ჩემპიონთა ლიგა 5-ჯერ მოიგო.
