სლოვანის მორიგი სასწაული - ქართველები კონფერენს ლიგაზე
Aa
Aa

სლოვანის მორიგი სასწაული - ქართველები კონფერენს ლიგაზე

კონფერენს ლიგაზე პლეი-ოფების განმეორებითი შეხვედრები გაიმართა. ქართველი გულშემატკივრების ყურადღებას ჩვენი ლეგიონერების ასპარეზობა იქცევდა.

ბუდუ ზივზივაძის უნგრულმა „ფეჰერვარმა“ ბუნდესლიგის წარმომადგენელ „კიოლნს“ პირველი მატჩი გერმანიაში 2:1 მოუგო, თუმცა საპასუხო შეხვედრაში შინ 0:3 დამარცხდა და ჯგუფში მოხვედრის შანსი დაკარგა.

ბუდუმ მატჩი სასტარტოში დაიწყო და მოედანზე 90 წუთიც დაყო, თუმცა ამჯერად მის გუნდს გოლით ვეღარ დაეხმარა.

ვაკო გვილიას პოლონური „რაკუვი“ პრაღაში „სლავიასთან“ 0:2 დამარცხდა და გათამაშებას გამოეთიშა.

გვილია სასტარტოში იყო და მოედანზე 90 წუთი გაატარა. შეხვედრა დამატებით დროში გადავიდა, სადაც ქართველ შუახაზელს აღარ უთამაშია. მწვრთნელმა ის შეცვალა.

აღსანიშნავია, რომ „რაკუვმა“ მეორე გოლი 122-ე წუთზე გაუშვა და ძალიან მტკივნეული მარცხი განიცადა.

კიდევ ერთი პოლონური კლუბი პოზნანის „ლეხი“, რომლის ღირსებასაც ნიკა კვეკვესკირი და გიორგი წიტაიშვილი იცავენ, კონფერენს ლიგის ჯგუფურ ეტაპზე ითამაშებს.

„ლეხმა“ ლუქსემბურგში „დუდელანჟთან“ ფრედ 1:1 ითამაშა და ორი მატჩის ჯამში 3:1 მოიგო.

კვეკევსკირი სასტარტოში იყო და მოედანზე 90 წუთი გაატარა. წიტაიშვილი თადარიგში გახლდათ და მინდორზე 59-ე წუთზე გამოჩნდა.

პორტუგალიური „ჟილ ვისენტე“, რომლის რიგებშიც გიორგი აბურჯანია ასპარეზობს, ორი მატჩის ჯამში „ალკმაართან“ 1:6 განადგურდა.

აბურჯანიამ შეხვედრა სასტარტოში დაიწყო და მოედანზე 90 წუთიც დაყო.

გაგი მარგველაშვილის ჩრდ. მაკედონურმა „შკუპმა“ კოსოვოს „ბალკანთან“ სტუმრად 0:1 დათმო და ორი შეხვედრის ჯამში 1:2 - ჯგუფში მოხვედრის შანსი დაკარგა.

მარგველაშვილი ძირითადში იმყოფებოდა, 23-ე წუთზე გაფრთხილებაც მიიღო და მოედანზე 90 წუთი გაატარა.

ვლადიმირ ვაისი „სლოვანმა“, რომლის ღირსებასაც გურამ კაშია, ჯაბა კანკავა და გიორგი ჩაკვეტაძე იცავენ, ბოსნა-ჰერცოგოვინის ჩემპიონ „ჟრინსკისთან“ საკუთარ მოედანზე პენალტების სერიაში 6:5 დაამარცხეს და ჯგუფურ ეტაპზე ითამაშებენ. მატჩის 120 წუთი სლოვანმა 2:1 მოიგო.

როგორც მოგეხსენებათ, პირველი შეხვედრა „სლოვანმა“ 0:1 დათმო. განმეორებითი დაპირისპირების ძირითადი 90 წუთი ვაისის გუნდმა 1:0 მოიგო და შეხვედრა დამატებით დროში გადავიდა.

სამივე ქართველი ლეგიონერი სასტარტოში იყო. გიორგი ჩაკვეტაძე 94-ე წუთზე შეცვალეს.

103-ე წუთზე სტუმრებმა ანგარიშის გათანაბრება შეძლეს, რამაც როგორც მოგვიანებით გაირკვა შეხვედრის ბედი გადაწყვიტა,

118-ე წუთზე ჯაბა კანკავამ მეორე ყვითელი მიიღო და მოედნის ნაადრევად დატოვება მოუხდა.

122-ე წუთზე „სლოვანმა“ მორიგი სასწაული მოახდინა და ბოლო წამებზე კიდევ ერთი გოლის გატანა შეძლო. ერიკ რამირესმა დუბლი გაიფორმა და გუნდი პენალტების სერიამდე მიიყვანა.

საწყისი 5-5 დარტყმა ორივე გუნდს ზუსტი ჰქონდა. შემდეგ სტუმრებმა გააფუჭეს, რასაც გურამ კაშიას გადამწყვეტი მე-6 პენალტი მოჰყვა, თუმცა დარტყმა მანაც გააცუდა.

ამის შემდეგ, „ჟრინსკიმ“ კიდევ ერთი დარტყმა გააფუჭა, „სლოვანის“ მხრიდან გამარჯვების მომტანი დარტყმის ავტორი ალექსანდრ ჩავრიჩი გახდა.

მსგავსი სიახლეები

ცხელი ამბები
ასევე დაგაინტერესებთ
„განსხვავების შექმნა შეუძლია“ - იტალიის ნაკრების ექს-ფეხბურთელი ხვიჩაზე
„განსხვავების შექმნა შეუძლია“ - იტალიის ნაკრების ექს-ფეხბურთელი ხვიჩაზე