US Open-ის ფინალისტები ცნობილია - რუდი ალკარასის წინააღმდეგ
2022 წლის US Open-ის ფინალში ერთმანეთს მსოფლიოს მე-4 ჩოგანი კარლოს ალკარასი და მე-7 ჩოგანი კასპერ რუდი შეხვდებიან.
ამ მატჩის გამარჯვებული თავის კარიერაში დიდი სლემის პირველ ტიტულს მოიპოვებს და ასევე გახდება 28-ე მსოფლიოს ნომერ პირველი ჩოგანი ATP-ის ისტორიაში, რომელიც დანიილ მედვედევს ჩაანაცვლებს.
The #USOpen Final is set.
— TSN (@TSN_Sports) September 10, 2022
Casper Ruud ???????? will take on Carlos Alcaraz ????????. pic.twitter.com/q4qmbplxRF
თუ 19 წლის ალკარასი გაიმარჯვებს, ის ისტორიაში ყველაზე ახალგაზრდა ნომერ 1 ჩოგანი გახდება.
თუ რუდი გაიმარჯვებს, ის დაამყარებს რეკორდს - ყველაზე დიდი ნახტომით პირველ ადგილზე.
პირად შეხვედრებში ალკარასი რუდთან 2-0 ლიდერობს სეტის წაგების გარეშე. წელს ესპანელმა ნორვეგიელი მაიამის მასტერსის ფინალში დაამარცხა.
ალკარასმა ნახევარფინალში ფრენსის ტიაფუ დაამარცხა - 6:7, 6:3, 6:1, 6:7, 6:3.
Fifth-set king @carlosalcaraz is into the #USOpen final! pic.twitter.com/CamMVDVJxw
— US Open Tennis (@usopen) September 10, 2022
რუდმა კი კარენ ხაჩანოვს 7:6, 6:2, 5:7, 6:2 მოუგო.
Point of the match! ????
— US Open Tennis (@usopen) September 9, 2022
And @CasperRuud98 gets a break in the fourth set as a result. pic.twitter.com/F8l04c3FOQ
კარლოს ალკარასი გახდა დიდი სლემის ყველაზე ახალგაზრდა ფინალისტი რაფაელ ნადალის შემდეგ (როლან გაროსზე 2005 წელს). აშშ-ის ღია პირველობაზე ის ყველაზე ახალგაზრდა ფინალისტია მას შემდეგ, რაც პიტ სამპრასმა ტიტული 1990 წელს მოიგო.
საერთო ჯამში, ეს იქნება ალკარასისთვის სეზონის მეშვიდე ტურის დონის ფინალი და მერვე მის კარიერაში. 2022 წელს მას ოთხი ტიტული აქვს მოგებული, მაგრამ ბოლო ორი ფინალი წააგო.
ესპანელმა US Open-ზე ბოლო სამი მატჩი ხუთ სეტში მოიგო. ის ახლა კარიერაში ხუთ სეტის ბალანსში 8-1-ს იგებს.
How does @carlosalcaraz keep winning points like this?!
— US Open Tennis (@usopen) September 10, 2022
????: US Open Radio pic.twitter.com/4zaulRL8DM
„საოცარია, რომ შეგიძლია კონკურენცია გაუწიო ასეთ დიდ საქმეებს. პირველად ვარ დიდი სლემის ფინალში. და მე უკვე ვხედავ რეიტინგის პირველ ხაზს, მაგრამ ამავდროულად ის ძალიან შორს არის.
კიდევ ერთი მატჩის მოგება გვჭირდება, მაგრამ წარმოუდგენელი ჩოგბურთელის წინააღმდეგ. მან უკვე ითამაშა დიდი სლემის ფინალში როლან გაროსზე და ჩემთვის ეს პირველი იქნება. ყველაფერს გავიღებ. ნერვებთან გამკლავება მომიწევს.
რა თქმა უნდა, ძალიან ბედნიერი ვარ. და როგორც ყოველი მატჩის წინ ვამბობ, ვისიამოვნებ და მერე ვნახოთ“.
- თქვა ალკარასმა.