ჩელსი პსჟ-ს სპორტული დირექტორის გადაბირებას გეგმავს
Aa
Aa

ჩელსი პსჟ-ს სპორტული დირექტორის გადაბირებას გეგმავს

ლონდონის „ჩელსის“ შემადგენლობის გაძლიერების გარდა კიდევ ერთი სურვილი აქვს, რომელიც კარგ ტრანსფერებთან პირდაპირ კავშირშია. საუბარია სპორტული დირექტორის თანამდებობაზე და ახალ კადრზე, რომელიც „არისტოკრატებმა“ უკვე შეარჩიეს.

The Times-ის ცნობით, ლონდონელებს პსჟ-ს ახალი სპორტული დირექტორის ლუის კამპოსის გადაბირება სურთ და კლუბის ახალი მფლობელი ტოდ ბოელი პარიზელებს უკვე დაუკავშირდა.

წყაროს ცნობით, ბოელი 58 წლის მენეჯერსაც ესაუბრა.

„ჩელსის“ ახალი მფლობელები ამჟამინდელი შემადგენლობითა და ზოგადად სტრუქტურით უკმაყოფილონი არიან და ცვლილებებს გეგმავენ. კლუბი იანვრის სატრანსფერო ფანჯრისას შემადგენლობის გაძლიერებას გეგმავს და საამისოდ დიდი თანხის დახარჯვასაც გეგმავენ.

ზაფხულში „ჩელსიმ“ ტრანსფერებში 261 მილიონი ფუნტი დახარჯა და ეს ბაზარზე ყველაზე მეტია, თუმცა გუნდი მაინც ცუდ ფორმაშია და კლუბი მეტის დახარჯვას გეგმავს.

გრეჰემ პოტერმა ლონდონურ კლუბში მთავარი მწვრთნელის პოსტის დაკავებისას, როცა მოლაპარაკებები იმართებოდა, ხაზი გაუსვა სპორტული დირექტორის დანიშვნის მნიშვნელობას.

შეგახსენებთ, რომ კამპოსმა პსჟ-ში სპორტული დირექტორის პოსტი ივნისში დაიკავა. მანამდე ის „მონაკოში“ და „ლილში“ მუშაობდა.

მსგავსი სიახლეები

ცხელი ამბები
ასევე დაგაინტერესებთ
რეინჯერსი - ნაპოლის მატჩის გამართვის დღე შეიცვალა
რეინჯერსი - ნაპოლის მატჩის გამართვის დღე შეიცვალა