ქართველი „პიტბულის“ წარმატება - ერანოსიანმა მე-12 ბრძოლა მოიგო
ქართველმა მოკრივე ოთარ ერანოსიანმა მორიგი ბრძოლა დამაჯერებლად მოიგო. „პიტბულმა“ ფლორიდაში მექსიკელი სეზარ ხუარესი 8-რაუნდიან ბრძოლაში დაამარცხა. პირველმა მსაჯმა ერანოსიანის სასარგებლოდ 78:73 დაწერა. რაც შეეხება მეორე და მესამე არბიტრებს, მათაც „პიტბულის'' გამარჯვება დააფიქსირეს - 77:74.
აღსანიშნავია, რომ 29 წლის ქართველმა მოკრივემ პროფესიულ კრივში მე-12 ბრძოლა გამართა და ყველა შეხვედრა გამარჯვებით დაასრულა.
WBA-ს ვერსიით ნახევრადმსუბუქი წონის რეიტინგში ერანოსიანი მესამე ადგილზეა. რეიტინგში პირველ ადგილზე ექტორ ლუის გარსიაა.