სახალისო ვიდეო - ენტონი დევისმა NBA 2k-ს თამაშის დროსაც ტრავმა მიიღო
„ლოს ანჯელეს ლეიკერსის“ კალათბურთელი, ენტონი დევისი კომპიუტერული ვიდეოთამაშის - NBA 2k22-ის თამაშისას კურიოზულ სიტუაციაში აღმოჩნდა.
დევისი საკუთარ თავს მართავდა და ერთ-ერთ ეპიზოდში მეტოქეზე ბურთის დაფარებას ცდილობდა, თუმცა ეპიზოდის დასრულებისას ვირტუალური ენტონი დაშავდა და პარკეტზე დაეცა.
საგულისხმოა, რომ 29 წლის კალათბურთელს ტრავმები რეალურ ცხოვრებაშიც აწუხებს. ენტონი დევისი NBA-ში თანამედროვეობის ერთ-ერთ ყველაზე ნიჭიერ კალათბურთელად ითვლება, თუმცა ხშირი ტრავმები მას სრული პოტენციალის გამოვლენაში ხელს უშლის.
