ქართველები ევროტურნირებზე: კვეკვესკირის გამარჯვება, სლოვანის მარცხი და სხვა
ჩემპიონთა ლიგის შემდეგ, მეორე ტურის შეხვედრები ევროპა ლიგასა და კონფერენს ლიგაზე გაიმართა, სადაც ქართველი ფეხბურთელებიდან გამომდინარე ჩვენ ინტერესს 5 შეხვედრა იწვევდა.
ევროპა ლიგაზე ოთარ კიტეიშვილის გრაცის „შტურმი“ როტერდამში „ფეიენოორდს“ ესტუმრა და უშანსოდ 0:6 განადგურდა.
„კიტე“ მოედანს დაუბრუნდა და 72-ე წუთზე ცვლილებაზე შევიდა.
2 ტურის შემდეგ, „შტურმი“ ჯგუფში 3 ქულით ბოლო ადგილზეა, თუმცა ჯგუფში ოთხივე გუნდს (ლაციო, მიდტიულანდი) 3-3 ქულა აქვს.
ლუკა გუგეშაშვილის „ყარაბაღმა“ ფრანგულ „ნანტს“ უმასპინძლა და დამაჯერებლად 3:0 დაამარცხა.
გუგეშაშვილი ამჯერადაც თადარიგში იმყოფებოდა. ორი ტურის შემდეგ, „ყარაბაღი“ 3 ქულით მეორე პოზიციაზე იმყოფება. ლიდერი კი 6 ქულით „ფრაიბურგია“.
Proud of you, @FKQarabaghEN!
— Azerbaijan ???????? (@Azerbaijan) September 15, 2022
????????????????????????#UEL #QFKFCN pic.twitter.com/CQxmf5PCok
ირაკლი აზაროვის „ცრვენა ზვეზდამ“ თურქეთში „ტრაბზონსფორთან“ შეხვედრა 1:2 დათმო.
აზაროვი ამჯერად განაცხადში მოხვდა, თუმცა არ უთამაშია. „ცრვენა ზვეზდა“ ორი ტურის შემდეგ, 2 მარცხით ჯერჯერობით ბოლო ადგილზეა და ჯგუფში ერთადერთი გუნდია, რომელსაც ქულა არ აუღია.
კაშიას, კანკავასა და ჩაკვეტაძის „სლოვანმა“ ერევანში „პიუნიკთან“ მატჩი 0:2 დათმო.
ჯაბა კანკავას გაფრთხილების გამო არ უთამაშია. გურამ კაშია და გიორგი ჩაკვეტაძე სასტარტოში იმყოფებოდა და ორივე მათგანმა 90 წუთი ითამაშა.
„სლოვანი“ ორი ტურის შემდეგ ჯგუფში 1 ქულით „ჟალგირისთან“ ერთად ბოლო ადგილზე იმყოფება.
პოლონურმა პოზნანის „ლეხმა“ პირველ ტურში „ვილიარეალთან“ დრამატული მარცხის (3:4) შემდეგ, ამჯერად საკუთარ მოედანზე ვენის „აუსტრიას“ უმასპინძლა და 4:1 დაამარცხა.
ნიკა კვეკვესკირი ძირითადში იმყოფებოდა და 58-ე წუთზე შეცვალეს, როცა ანგარიში 1:1 იყო. რაც შეეხება გიორგი წიტაიშვილს, მას ამჯერად არ უთამაშია და თადარიგში დარჩა.
„ლეხი“ ორი ტურის შემდეგ ჯგუფში 3 ქულით მეორე ადგილს იკავებს.
90'+4 ???? Koniec meczu. Pierwsze zwycięstwo w fazie grupowej ✅
— Mistrz Polski ???? (@LechPoznan) September 15, 2022
_____#UECL | #LPOFAK 4:1 pic.twitter.com/o5q1yFkCVL