იორიტაოში - ტოჩინოშინის დასანანი მარცხი აკი ბაშოზე

„აკი ბაშოს“ მე-8 საშეჯიბრო დღეს ლევან გორგაძემ მორიგი ბრძოლა გამართა და ნიშიკიფუჯისთან იორიტაოშის ილეთით დამარცხდა. შეხვედრა ძალიან დაძაბული გამოვიდა, საბოლოოდ ნიშიკიფუჯიმ იმძლავრა, ქამარში ჩაავლო და გამარჯვება მოიპოვა, თუმცა ორივე მათგანი დოჰიოდან გადავარდა.

ამრიგად, ლევან გორგაძის ანგარიშზე 3 მოგება და 5 მარცხია. მე-9 დღეს ქართველი სუმოტორი მე-11 მაეგაშირა კოტოშოჰოს შეხვდება. აღსანიშნავია, რომ ქართველი სპორტსმენი კოტოშოჰოს ოთხჯერ შეხვდა და ოთხივე შეხვედრა მოუგო.