ნიკოლოზ ბასილაშვილი, მეცის ღია პირველობა
Aa
Aa

ბასილაშვილი მეცის ტურნირს გამოეთიშა

საქართველოს საუკეთესო ჩოგბურთელი, ნიკოლოზ ბასილაშვილი საფრანგეთში, მეცის საერთაშორისო ტურნირს გამოეთიშა.

1/8 ფინალში ქართველი ჩოგბურთელი მასპინძელი ქვეყნის წარმომადგენელს, ATP-ის რეიტინგის მე-60 ნომერ არტურ რინდერკნეხს დაუპირისპირდა და დაძაბულ ბრძოლაში, ორ სეტში - 6:7 (11:3), 3:6 დამარცხდა.

გადამწყვეტი ალბათ უფრო პირველი სეტი გამოდგა. იმის მიუხედავად, რომ ბასილაშვილი სეტს 2:4 აგებდა, ქართველმა ჩოგბურთელმა გათანაბრება და წინ გასვლაც შეძლო, თუმცა თავის მხრივ, არც ფრანგი დანებდა და საბოლოოდ სეტის გამარჯვებული ტაი-ბრეიკმა გამოავლინა, რომელშიც უფრო ძლიერი რინდერკნეხი აღმოჩნდა.

სამწუხაროდ, მეორე სეტში ქართველმა ჩოგბურთელმა მეტოქეს დიდი ვერაფერი დაუპირისპირა. სეტის ნახევრამდე თამაში ქულა-ქულაში მიდიოდა, თუმცა 3:3-დან უპირატესობა ფრანგმა ჩოგბურთელმა გადაიბარა და საბოლოოდ, გეიმიც დამსახურებულად მოიგო.

ცნობისთვის, ბასილაშვილმა პირველ წრეში ATP რეიტინგის 134-ე ნომერი, ზიზუ ბერგსი დაამარცხა. საგულისხმოა, რომ ნიკა ამ შეხვედრასაც აგებდა და რომ არა მეტოქის ტრავმა, დიდი შანსი იყო ქართველი ჩოგბურთელი ტურნირს პირველივე წრეში დამშვიდობებოდა.

მსგავსი სიახლეები

ცხელი ამბები