მსოფლიო თასი - ტურნირზე ევროპიდან მხოლოდ საქართველო იასპარეზებს
საქართველოს თავისუფალი სტილით მოჭიდავეთა ნაკრები მსოფლიოს თასზე გამოვა.
2022 წლის სეზონის შემაჯამებელ პრესტიჟულ გუნდურ შეჯიბრებას 10-11 დეკემბერს ამერიკის შეერთებული შტატების ქალაქი კორალვილი უმასპინძლებს.
კონკურენციაში მხოლოდ 6 ქვეყნის ნაკრები ჩაერთვება. მონაწილეთა ვინაობა მსოფლიოს 2022 წლის ჩემპიონატის გუნდური შედეგებით გაირკვა.
ევროპის ქვეყნებიდან მსოფლიოს თასზე ჭიდაობის უფლება მხოლოდ საქართველომ მოიპოვა. საქართველოს ნაკრების გარდა, მსოფლიოს თასზე გამოვლენ: აშშ, ირანი, იაპონია და მონღოლეთი.
მათ ერთ გუნდად დაემატებათ ხუთეულს მიღმა დარჩენილი გუნდების ბაზაზე დაკომპლექტებული მსოფლიოს ნაკრები.
