ჩავიმ ზიდანის რეკორდი დაამხო: იმედია ამ გზას ტიტულებისკენ მივყავართ

„ბარსელონამ“ ლა ლიგის მე-7 ტურში „მალიორკას“ სტუმრად 1:0 მოუგო, რის შემდეგაც ჩავიმ ესპანეთში ზიდანის რეკორდი დაამხო.

ჩავი ერნანდესი გახდა ლა ლიგის ისტორიაში ერთადერთი მწვრთნელი, რომელსაც თავის სადებიუტო 18 გასვლით შეხვედრაში არცერთი მარცხი არ განუცდია - 13 მოგება, 5 ფრე.

ხსენებული რეკორდი 2016 წელს ზინედინ ზიდანს ეკუთვნოდა, რომელმაც 13 მოგება და 4 ფრე დააგროვა. „ბარსას“ მომდევნო გასვლითი მატჩი სწორედ მადრიდის „რეალთან“ აქვს.

ჩავიმ „მალიორკასთან“ მატჩის შემდეგ პრესასთან ისაუბრა.

„ძალიან რთული მატჩი იყო. სამი ძალიან მნიშვნელოვანი ქულა მოვიპოვეთ. რთული განსაკუთრებით შესვენების შემდეგ იყო. ასეთ მატჩებში, თუ მეორე გოლს არ გაიტან, შეიძლება საქმე ბევრად გართულდეს. ჩვენ გამოვიჩინეთ მოთმინება და სიმშვიდე.

მოწინააღმდეგის ასეთი სისტემით შეტევა ყოველთვის სირთულეებთან არის დაკავშირებული. არ არის საკმარისი სივრცე, ძალიან ფრთხილად უნდა იყო. პირველ ტაიმში კარგად ვმოქმედებდით, მეორეში კი ტემპი შევანელეთ. შენ არ შეგიძლია ამის გაკეთება ამ გზით. ასეთ დროს მეორე გოლი უნდა გავიტანოთ და უფრო ამბიციურები ვიყოთ.

რეკორდი? კმაყოფილი ვარ. ჩვენ კარგად გამოვიყურებით. ეს მნიშვნელოვანი შედეგია. იმედია მას ტიტულებისკენ მივყავართ. ბედნიერი ვარ, რადგან ეს გუნდი კარგია: რთულ გასვლით მატჩებს თამაშობს და იგებს. ეს ნიშნავს, რომ ჩვენ უკან დგას სამუშაო და რომ სწორ გზაზე ვართ“,

- განაცხადა ჩავიმ.