ბექა ბურჯანაძე
Aa
Aa

ბექა იტალიაში ითამაშებს - ბურჯანაძის ახალი კლუბი ცნობილია

საქართველოს ნაკრების კალათბურთელმა, ბექა ბურჯანაძემ საკუთარი მომავალი იტალიურ „რეჯანას“ დაუკავშირა. კონტრაქტი სეზონის ბოლომდე გაფორმდა და სავარაუდოდ, ბექა სადებიუტო შეხვედრას 19 ნოემბერს, „ვერონას“ წინააღმდეგ ჩაატარებს.

„მინდა, კლუბს ამ შანსისთვის მადლობა გადავუხადო. რამდენიმე დღეა აქ ვიმყოფები, მაგრამ ისეთი შთაბეჭდილება მრჩება, თითქოს წლებია აქ ვთამაშობ. ვიცი, რეჯანას იტალიაში და საკალათბურთო ჩემპიონთა ლიგაზე რა ამბიციები აქვს და გუნდის დასახმარებლად ყველაფერს გავაკეთებ. კონტრაქტის გაფორმებამდე, მანუჩარ მარკოიშვილს გავესაუბრე და მისმა სიყვარულით აღსავსე სიტყვებმა, რომლებიც ამ ორგანიზაციასა და ქალაქს ეხებოდა, გადაწყვეტილების მიღების პროცესში დამატებითი მუხტი მომცა. ვეცდები, გუნდური მოთამაშე ვიყო, თანაგუნდელებს ბევრნაირად დავეხმარო, პარკეტზე ენერგია შემოვიტანო, თავისუფალი ზონები გავაჩინო და თამაშში ყველა ჩავრთო“, - განაცხადა ბურჯანაძემ.

„ჩვენ ვსაუბრობთ სპორტსმენზე, რომელსაც შესანიშნავი საკალათბურთო ინტელექტი, სიმტკიცე და გამძლეობა აქვს. ფიზიკური კონდიციების მხრივ, მას მოსამატებელი აქვს, რადგან კარგად ჩატარებული ევრობასკეტის შემდეგ რამდენიმე თვე არ უთამაშია. მენტალურ მხარეს რაც შეეხება, ვიპოვეთ ბიჭი, რომელიც გუნდს კარგად შეეწყო და ენთუზიაზმს აჩვენებს“, - განაცხადა კლუბის სპორტულმა დირექტორმა, ფილიპო ბაროძიმ.

ცნობისთვის, 6 ტურის შემდეგ, „რეჯანა“ იტალიის LEGA A-ს სატურნირო ცხრილის მე-11 პოზიციას იკავებს. იტალიელებს 2 მოგება და 4 მარცხი აქვთ და ხვალ აუტსაიდერ „ვერონას“ შეხვდებიან.

მსგავსი სიახლეები

ცხელი ამბები
ასევე დაგაინტერესებთ
რას აპირებს მანჩესტერი - სარჩელი და კონტრაქტის გაწყვეტა რონალდუსთან
რას აპირებს მანჩესტერი - სარჩელი და კონტრაქტის გაწყვეტა რონალდუსთან