5-გოლიანი მატჩი, რონალდუს რეკორდი და პორტუგალიის გამარჯვება განასთან
H ჯგუფში პორტუგალიის ნაკრებმა განას საკმაოდ დაძაბულ და საინტერესო ბრძოლაში 3:2 მოუგო.
შეხვედრის პირველი 60 წუთი უღიმღამო და მოსაწყენი იყო, თუმცა ბოლო ნახევარ საათში მაყურებელმა 5 გოლი იხილა.
65-ე წუთზე კრიშტიანუ რონალდუმ პენალტი მოინადირა და თავადვე გაიტანა, რის შემდეგაც ისტორიაში პირველი მოთამაშე გახდა, რომელმაც 5 სხვადასხვა მსოფლიო ჩემპიონატზე შეძლო გატანა.
ამის შემდეგ, განა ანგარიში გაათანაბრა. გოლის ავტორი ანდრე აიუ გახდა.
განელებმა ინდივიდუალურ შეცდომებს უმატეს და მალევე ჟოაო ფელიქსმა პორტუგალია ისევ დააწინაურა. ეს 78-ე წუთზე მოხდა. აქედან 2 წუთში კი რაფაელ ლეაომ მესამეც შეაგდო.
89-ე წუთზე ბუკარიმ სხვაობა მინიმუმამდე შეამცირა და განას გათანაბრების შანსიც ჰქონდა. დამატებულ მე-9 წუთზე ინაკი უილიამსმა მეკარეს ბურთი მოულოდნელად აართვა და ფეხი დაუცდა. რომ არა ეს უიღბლობა მატჩი ალბათ 3:3 დასრულდებოდა.
Inaki Williams knows we will not forget this if Ghana does not progress from this group. pic.twitter.com/v9EQ1Kmqhk
— First Doktor (@firstdoktor) November 24, 2022
ამრიგად. ჯგუფს 3 ქულით პორტუგალია ლიდერობს. ურუგვაის და სამხრეთ კორეას 1-1 ქულა აქვთ.