წამებითა და ციხით დაემუქრნენ - ირანის ნაკრებსა და ქომაგებს უთვალთვალებენ
Aa
Aa

წამებითა და ციხით დაემუქრნენ - ირანის ნაკრებსა და ქომაგებს უთვალთვალებენ

ირანის ნაკრების ფეხბურთელების ნათესავებს წამებითა და ციხეში ჩასმით დაემუქრნენ. ამ ინფორმაციას ცნობილი გამოცემა, CNN-ი ავრცელებს და წერს, რომ თუ აშშ-სთან მატჩამდე, მოთამაშეები „არასწორად“ მოიქცევიან, სასჯელს მათი ნათესავები მიიღებენ.

CNN-ი დასძენს, რომ ირანის ნაკრების მოთამაშეები ისლამური რევოლუციის გუშაგთა კორპუსის ოფიცრების ზედამხედველობის ქვეშ არიან. მათ ეროვნული გუნდის რიგების დატოვება და უცხოელებთან შეხვედრა აკრძალული აქვთ. ეს ყველაფერი არაა და იწერება იმაზეც, რომ დაკვირვების ქვეშ ირანელი გულშემატკივრებიც იმყოფებიან.

The Athletic-ი ქომაგებისგან მიღებულ ინფორმაციაზე დაყრდნობით წერს, რომ მათ ირანული სპეცსამსახურები უთვალთვალებენ და ყველა ნაბიჯს უკონტროლებენ. ერთ-ერთმა ქალბატონმა განაცხადა, რომ ინგლისთან მატჩისას, ტრიბუნებზე დააფიქსირა მამაკაცი, რომელიც მას და სხვა ირანელ ქალბატონებს აკვირდებოდა და ვიდეოს უღებდა. მეორე ქალბატონმა აღნიშნა, რომ ზემოთ ხსენებული მამაკაცი თამაშს არ უყურებდა და მთელი აქცენტი ტრიბუნებზე განვითარებულ მოვლენებზე ჰქონდა გადატანილი. მოგვიანებით, მან ადგილი შეიცვალა, რათა სხვა სექტორში მყოფ ირანელებზე გაეგრძელებინა თვალთვალი.

შეგახსენებთ, რომ დღეს, უპრინციპულესი შეხვედრაა ჩანიშნული და თბილისის დროით, 23:00-ზე ირანის ნაკრები აშშ-ს დაუპირისპირდა. მომდევნო ეტაპზე გასვლის შანსი ორივე გუნდს აქვს და წინ ძალიან საინტერესო და დაძაბული მატჩი გველოდება.

მსგავსი სიახლეები

ცხელი ამბები
ასევე დაგაინტერესებთ
სკანდალი მუნდიალზე - სტადიონზე გულშემატკივარი ცისარტყელას დროშით შევარდა
სკანდალი მუნდიალზე - სტადიონზე გულშემატკივარი ცისარტყელას დროშით შევარდა