დუმფრისის მაგარი თამაში - ნიდერლანდებმა აშშ დაამარცხა და 1/4-ფინალშია
კატარი 2022-ის პირველ მერვედფინალურ შეხვედრაში ნიდერლანდებმა აშშ 3:1 დაამარცხა და მეოთხედფინალში გავიდა, სადაც არგენტინასა და ავსტრალიას შორის გამარჯვებულს შეხვდება. ამ შეხვედრაში დენზელ დუმფრისი გამორჩეული იყო, მის აქტივში 2 საგოლე პასი და გოლია.
ანგარიში მე-10 წუთზე მემფის დეპაიმ გახსნა, საგოლე პასი დენზელ დუმფრისის ანგარიშზეა. მემფის დეპაიმ ეროვნულ ნაკრებში 43-ე გოლი გაიტანა და კლას იან ჰუნტელაარს გაასრწო. დეპაის მხოლოდ რობინ ვან პერსი უსწრებს, რომელმაც ნიდერლანდების ნაკრებში 50 გოლი შეაგდო.
დეპაის ვან პერსის რეკორდის მოხსნისთვის 8 გოლი სჭირდება.
43 - Memphis Depay scored his 43rd international goal for the Netherlands, making him the player with the outright second most goals for @OnsOranje, behind Robin van Persie (50). Roar. pic.twitter.com/hLAsz5kTB5
— OptaJohan (@OptaJohan) December 3, 2022
ლუის ვან გაალის გუნდმა მეორე გოლი პირველი ტაიმის პირველ დამატებულ წუთზე შეაგდო, საგოლე პასი მეორე გოლის ეპიზოდშიც დენზელ დუმფრისმა შეასრულა, გოლი დელი ბლინდის ანგარიშზეა.
ჯიო ვან ბრონკჰორსტის შემდეგ დელი ბლინდი ყველაზე უხუცესი ნიდერლანდელია, რომელმაც გოლი მსოფლიოს ჩემპიონატზე გაიტანა. ვან ბრონკჰორსტმა 2010 წლის მუნდიალზე 35 წლისა და 151 დღის ასაკში გაიტანა, ბლინდი კი 32 წლისა და 269 დღის ასაკისაა.
32 - Daley Blind is the second-oldest scorer (32 years and 269 days) for the Netherlands ???????? in the #FIFAWorldCup , after Gio van Bronckhorst in 2010 against Uruguay (35 years and 151 days). Enduring.#NED #NEDUSA #Qatar2022 pic.twitter.com/GZ6nb7mWau
— OptaJose (@OptaJose) December 3, 2022
საინტერესოა, რომ დენზელ დუმფრისი პირველი ნიდერლანდელია, რომელმაც მსოფლიოს ჩემპიონატის შეხვედრაში, პირველ ტაიმში 2 საგოლე პასი შეასრულა.
2 - Denzel Dumfries is the first @OnsOranje player to ever assist two goals in the first half of a World Cup game. Back-to-back. pic.twitter.com/VgaSNd0cz5
— OptaJohan (@OptaJohan) December 3, 2022
76-ე წუთზე პულიშიჩის საგოლე პასის შემდეგ ჰაჯი რაიტმა ანგარიში შეამცირა, თუმცა დენზელ დუმფრისმა 81-ე წუთზე ორბურთიანი უპირატესობა აღადგინა და ნიდერლანდებმა 3:1 მოიგო.
არგენტინა-ავსტრალიის მერვედფინალური დაპირისპირება დღეს, 3 დეკემბერს, თბილისის დროით 23:00 საათზე დაიწყება.
