როი კინი, ტიტე, ბრაზილიის ნაკრები
Aa
Aa

„ეს უპატივცემულობაა. მეგონა ცეკვავენ ვარსკვლავებს ვუყურებდი“ - როი კინმა ბრაზილიელები გააკრიტიკა

მსოფლიო ჩემპიონატის მერვედფინალში ბრაზილიის ნაკრები სამხ. კორეის ეროვნულ გუნდს შეხვდა და ბრწყინვალე პერფომანსის ხარჯზე დამაჯერებელი გამარჯვებაც მოიპოვა.

ტიტეს გუნდმა მეტოქის კარში ოთხი გოლი გაიტანა, საპასუხოდ კი 1 ბურთი მიიღო. საგულისხმოა, რომ ბრაზილიელებმა ოთხივე გოლი მატჩის პირველ ნახევარში გაიტანეს და ყველა მათგანი ცეკვით აღნიშნეს. საგულისხმოა, რომ რიშარლისონის გოლის ეპიზოდში ფეხბურთელებთან ერთად გუნდის მთავარმა მწვრთნელმა, ტიტემაც იცეკვა.

ამასთან დაკავშირებით კომენტარი ვეტერანმა ირლანდიელმა ფეხბურთელმა, როი კინმა გააკეთა და ბრაზილიელ ფეხბურთელებთან ერთად, ტიტეც მეტოქის უპატივცემულობაში დაადანაშაულა.

რა თქვა კინმა:

ამდენი ცეკვა არასდროს მინახავს. მეგონა „ცეკვავენ ვარსკვლავებს“ ვუყურებდი.

ეს არ მომწონს. მესმის, რომ ეს კულტურის ნაწილია, მაგრამ ვფიქრობ, რომ ამით ბრაზილიელებმა მეტოქის მიმართ უპატივცემულობა გამოხატეს.

ოთხი გოლი გავიდა და ყოველ ჯერზე ამას ცეკვა მოჰყვა. პირველად არ შევუწუხებივარ, მაგრამ შემდეგ ცეკვა გააგრძელეს და ამას მწვრთნელიც უერთდება. ეს ნამდვილად არ მახარებს, ასეთი ფორმით აღნიშვნა კარგი არ არის.

შეგახსენებთ, რომ მეოთხედფინალში ბრაზილიის ნაკრების მეტოქე ხორვატია იქნება. მატჩი 9 დეკემბერს, საქართველოს დროით 19:00 საათზე გაიმართება.

მსგავსი სიახლეები

ცხელი ამბები
ასევე დაგაინტერესებთ
ტიტე: “მეორე ტაიმში ეფექტურობა დაგვაკლდა“
ტიტე: “მეორე ტაიმში ეფექტურობა დაგვაკლდა“