ილია თოფურია
Aa
Aa

„მაგიური კვირა ელოდება და ტოპ 10-ში შესვლა შეუძლია“ - Marca თოფურიაზე წერს

ცნობილმა ესპანურმა გამოცემა Marca-მ UFC-ის ქართველ მებრძოლს, ილია თოფურიას სტატია მიუძღვნა და მოახლოებულ დაპირისპირებაზე ისაუბრა, რომელშიც „ელ მატადორი“ ბრაის მიტჩელს შეხვდება. Marca თოფურიას დიდ მომავალს უწინასწარმეტყველებს და ამბობს, რომ გამარჯვების შემთხვევაში,  ილია საჩემპიონო ქამარს მიუახლოვდება.

„თოფურია ბუნებით ნიჭიერი მებრძოლია და მაგიური კვირა ელოდება. ილია ბრაის მიტჩელს დაუპირისპირდება და თავისი წონითი დივიზიონის ტოპ 10-ში შესასვლელად იჩხუბებს. თოფურიას გამოწვევა ლას ვეგასში ელოდება და მიტჩელი მისი ახალი მტერია. ილია უფრო მეტად ფოკუსირებულია და ამბობს, რომ ბრაისს დააფინიშებს.

თოფურია, როგორც სტრაიკინგში, ისე გრეპლინგში ძალიან ძლიერია და გამოაწრთო გუნდმა, რომელიც ოჯახის წევრებისა და კოლეგების მიქსს წარმოადგენს. მისი ძმა, ალექსანდრე და თოფურიას გუნდი, რომელსაც ბაზა ვალენსიაში აქვს, მომავალ ჩემპიონს ქმნიან. UFC-ში ილიას ჩხუბებისას სურათი ყოველ ჯერზე ერთნაირი იყო. მატადორი ბრძოლას გამარჯვებული ასრულებს და საქართველოსა და ესპანეთის დროშები აქვს შემოხვეული. თუ ლას ვეგასშიც ეს მოხდა, ის ტოპ 10-ში აუცილებლად შევა. თუ კიდევ ერთი გამარჯვება მოიპოვა, ვინ იცის, იქნებ პირველი ესპანელიც გახდეს, რომელიც UFC-ის ჩემპიონი გახდება“, - წერს Marca.

ცნობისთვის, ცოტა ხნის წინ, UFC-ის მებრძოლთა შორის გამოკითხვა ჩატარდა და 14-დან 10-მა ბრაის მიტჩელის გამარჯვება ივარაუდა. მათ შორის სტივენ ტომპსონი, ბილი ქუარანტილო და ერიკ ანდერსი იყვნენ.

მსგავსი სიახლეები

ცხელი ამბები
ასევე დაგაინტერესებთ
ნური შაჰინი: „კვარაცხელია საოცრებებს აკეთებს, ის ძალიან საინტერესო ფეხბურთელია“
ნური შაჰინი: „კვარაცხელია საოცრებებს აკეთებს, ის ძალიან საინტერესო ფეხბურთელია“