„ბოლბოიმ ჩემი ჩოგანი წაიღო“ - რაფამ ავსტრალიის ღია პირველობა გამარჯვებით დაიწყო
რაფაელ ნადალმა ავსტრალიის ღია პირველობა გამარჯვებით გახსნა. ესპანელი ჩოგბურთელი ჯეკ დრეიპერს დაუპირისპირდა და მეტოქე 4 სეტში დაამარცხა. ნადალმა პირველი პარტია 7:5 მოიგო, მეორე 2:6 დათმო, მესამე და მეოთხეში კი 6:4 და 6:1 იმარჯვა და მეორე წრეში გავიდა.
მატჩის მიმდინარეობისას, კურიოზი მოხდა. პირველ სეტში, როცა ანგარიში 4:3 იყო და ჩოგბურთელები ისვენებდნენ, რაფამ აღმოაჩინა, რომ ბოლბოის მისი ჩოგანი წაუღია. ნადალი ჩოგანს, რომლითაც თამაშობდა, რამდენიმე წამის განმავლობაში ეძებდა, მაგრამ როცა ვერ იპოვა და მიხვდა, რაც მოხდა, ახალი ჩოგნის გამოყენება მოუწია.
"The ballboy took my racquet" ????
— #AusOpen (@AustralianOpen) January 16, 2023
A definite first for Rafa!#AusOpen • #AO2023 pic.twitter.com/T4xqN4ZLBd
შეგახსენებთ, რომ ნადალი მეორე წრეში მაკენზი მაკდონალდს დაუპირისპირდება. ამ უკანასკნელმა ნაკაშიმას უმძიმეს ბრძოლაში სძლია და მომდევნო შეხვედრაში ურთულესი გამოწვევის ჩაბარება მოუწევს. გეტყვით იმასაც, რომ ავსტრალიის ღია პირველობა ნიკ კირიოსის გარეშე გაიმართება. ეს უკანასკნელი ტურნირს ჯანმრთელობის პრობლემების გამო ჩაეხსნა.