შენგელიას 10 ქულა - ვირტუს ბოლონიამ ვერონას მოუგო
იტალიის საკალათბურთო ჩემპიონატის მორიგ ტურში „ვირტუს ბოლონიამ“ „ვერონას“ უმასპინძლა და მძიმე ბრძოლაში 87:82 დაამარცხა.
როგორც ყოველთვის, თორნიკე შენგელია ძირითად შემადგენლობაში მოგვევლინა. ქართველმა კალათბურთელმა პარკეტზე 20 წუთი დაყო. ამ პერიოდის განმავლობაში მან 10 ქულა, 6 მოხსნა და 1 შედეგიანი გადაცემა მიითვალა.
საქართველოს ნაკრების კაპიტანმა ექვსი 2-ქულიანი ისროლა, საიდანაც ზუსტი 5 აღმოჩნდა. თორნიკემ სამჯერ სცადა 3-ქულიანის ჩაგდება, მაგრამ წარუმატებლად. შენგელიამ ასევე 2 პერსონალური „ფოლი“ მიიღო. 6 მოხსნიდან კი 4 საკუთარ ფარზე იყო, ხოლო 2 მეტოქის.
„ვირტუსის“ მხრიდან ყველაზე შედეგიანი ჯორდან მიკი იყო, რომელმაც 21 წუთში 18 ქულა, 7 მოხსნა და 2 შედეგიანი გადაცემა ჩაიწერა აქტივში.
ცნობისთვის, ამ გამარჯვების შემდეგ, „ვირტუს ბოლონიას“ 26 ქულა დაუგროვდა და სატურნირო ცხრილში მეორე ადგილზე იმყოფება. შემდეგ ტურში, შენგელიას გუნდი „ბრეშას“ უმასპინძლებს. აღნიშნული დაპირისპირება 5 თებერვლით თარიღდება და თბილისის დროით 22:00-დან დაიწყება.
VITTORIA ⚪️⚫️
— Virtus Segafredo Bologna (@VirtusSegafredo) January 29, 2023
La Segafredo nonostante la resistenza di Verona torna subito alla vittoria in campionato portando cinque giocatori in doppia cifra ????????
???? Mickey 18, Belinelli 15, Mannion 12, Cordinier 10, Shengelia 10#AmoreInfinito #LBA #TuttoUnAltroSport pic.twitter.com/7rx191XIwA
