ვერცხლის მედალი ალმადას გრან პრიზე - ქართველი პარაძიუდოისტის წარმატება
საქართველოს პარა ძიუდოისტთა ნაკრებმა წარმატებით დაიწყო პორტუგალიაში, ალმადას გრან პრიზე პირველი მედალი მოიპოვა.
-60 კგ. წონით კატეგორიაში მოასპარეზე ნუკრი მიღრიჯანაშვილი ვერცხლის მედლის მფლობელი გახდა. ქართველმა პარაძიუდოისტმა ფინალში შეძლო გასვლა, თუმცა ოქროს მედლისთვის ბრძოლაში ყაზახ ანაუ სარიევთან დამარცხდა.
მიღრიჯანაშვილმა პირველი შეხვედრა მექსიკელ პარასპორტსმენს მოუგო, ნახევარფინალში კი ყირგიზი მოწინააღმდეგე დაამარცხა.
