პარიზის გრანდ სლემზე ძიუდოისტთა ნაკრების შემადგენლობა ცნობილია
4-5 თებერვალს, საფრანგეთის დედაქალაქ პარიზში ძიუდოის გრანდ სლემი გაიმართება. ტურნირში მონაწილეობას მთელი მსოფლიოს მასშტაბით 85 ქვეყნის 547 ძიუდოისტი მიიღებს.
საქართველოს ნაკრები წლის მეორე ოფიციალურ შეჯიბრზე 12 ძიუდოისტით წარსდგება. მათ შორის 10 ვაჟი, 2 კი გოგონა იქნება.
ლაშა გუჯეჯიანის არჩევანი ასე გამოიყურება:
ვაჟები:
-60 კგ. - თემურ ნოზაძე
-66 კგ. - ბაგრატ ნინიაშვილი
-73 კგ. - ლაშა შავდათუაშვილი
-81 კგ. - ტატო გრიგალაშვილი
-90 კგ. - ლაშა ბექაური, ლუკა მაისურაძე
-100 კგ. - ვარლამ ლიპარტელიანი, გიორგი ბერიაშვილი
+100 კგ. - საბა ინანეიშვილი, გურამ თუშიშვილი.
გოგონები:
-57 კგ. მარიამ ციხელაშვილი
-70 კგ. ელისო სისაური
შეგახსენებთ, რომ რამდენიმე დღის წინ პორტუგალიაში წლის პირველი ტურნირი გაიმართა. ალმადას გრან პრიზე ქართველმა ძიუდოისტებმა ორი მედალი მოიპოვეს - 1 ოქრო და 1 ვერცხლი. ტურნირის გამარჯვებული ილია სულამანიძე გახდა, ვერცხლის მედალს კი საბა ინანეიშვილი დასჯერდა.