შერმადინის 16 ქულა - ტენერიფეს მარტივი გამარჯვება ჩემპიონთა ლიგაზე
საკალათბურთო ჩემპიონთა ლიგის L ჯგუფის მეორე ტურში ლენოვო „ტენერიფე“ „დარუსაფაკას“ ესტუმრა და მარტივი გამარჯვება მოიპოვა. ესპანელებმა მეტოქე 80:59 დაამარცხეს.
როგორც ყოველთვის, გიორგი შერმადინი ძირითად შემადგენლობაში მოგვევლინა. ქართველმა კალათბურთელმა პარკეტზე 19 წუთი და 19 წამი დაყო. ამ პერიოდის განმავლობაში მან 16 ქულა, 6 მოხსნა და 1 შედეგიანი გადაცემა მიითვალა.
„ტენერიფეს“ მხრიდან საუკეთესო სტატისტიკით სასუ სალინი გამოირჩა. ფინელმა კალათბურთელმა არასრულ 22 წუთში 17 ქულა და 1 მოხსნა მიითვალა.
შეგახსენებთ, რომ ამ გამარჯვების შემდეგ, ვიდორეტას გუნდს 4 ქულა დაუგროვდა და ჯგუფში გალიდერდა. შემდეგ ტურში, ლენოვო „ტენერიფე“ საკუთარ კედლებში „ბილბაოს“ უმასპინძლებს. აღნიშნული დაპირისპირება 7 თებერვლით თარიღდება და თბილისის დროით 23:30-დან დაიწყება.
¡Triunfo de prestigio en Estambul!
— Lenovo Tenerife (@CB1939Canarias) February 1, 2023
???? El #LenovoTenerife se impone al @dackabasket y se sitúa líder en solitario al frente de su grupo del Sweet 16, (2/0)
???????? #VamosCanarias #LenovoTenerife #DefendTheGold pic.twitter.com/eZ0u3Q1EVZ