შენგელია ერთ-ერთი საუკეთესო იყო - ვირტუს ბოლონიას მნიშვნელოვანი გამარჯვება
თორნიკე შენგელიას „ვირტუს ბოლონია“ ევროლიგის პლეიოფში მოსახვედრად ბრძოლას განაგრძობს. ქართველი კალათბურთელის გუნდმა მორიგი შეხვედრა „ლიონ-ვილერბანის“ წინააღმდეგ გამართა და მეტოქეს სტუმრად 77:64 სძლია.
შენგელიამ მატჩი ძირითად შემადგენლობაში დაიწყო და პარკეტზე 24 წუთი და 11 წამი გაატარა. ამ დროში, მან 10 ქულა, 4 მოხსნა (2 მეტოქის ფარზე) და 3 შედეგიანი გადაცემა დააგროვა. შენგელიამ 3-დან 2 ორქულიანი ჩააგდო, 2 სამიანი გააცუდა და 6-დან 6 საჯარიმო გამოიყენა. მისი სარგებლიანობის კოეფიციენტი 17 იყო, რაც ისაია კორდინიეს შემდეგ, „ვირტუს ბოლონიაში“ საუკეთესო მაჩვენებელი გახლდათ.
VITTORIA ⚪️⚫️
— Virtus Segafredo Bologna (@VirtusSegafredo) February 3, 2023
La Segafredo espugna l’Astroballe dopo una gara condotta sin dall’inizio e una grande prova di squadra ????????
???? Belinelli 21, Cordinier 10, Shengelia 10#AmoreInfinito #EveryGameMatters pic.twitter.com/m9BoDRtK6N
იტალიური კლუბის რიგებში ყველაზე მეტი, 21 ქულა მარკო ბელინელიმ ჩააგდო. ზემოთ ხსენებულ კორდინიეს 10 ქულა, 5 მოხსნა და ამდენივე ასისტი ჰქონდა. „ლიონ-ვილერბანს“ რაც შეეხება, მასპინძელთა მხრიდან 15 ქულით ნანდო დე კოლო გამოირჩა, იუსუფა ფოლმა კი 11 ქულა მიითვალა.
ამრიგად, „ვირტუს ბოლონიას“ 11 მოგება და 12 წაგება აქვს და სატურნირო ცხრილის მე-12 ადგილს იკავებს. იტალიელები მომდევნო შეხვედრას 5 თებერვალს გამართავენ და „ბრეშას“ დაუპირისპირდებიან.