„როცა გირტყამს, გგონია, რომ ძალიან გატკენს“ - ადესანია დოლიძეზე

შაბათს, UFC 286-ზე რომან დოლიძე იტალიელ მარვინ ვეტორს დაუპირისპირდება. აღნიშნულ ორთაბრძოლასთან დაკავშირებით საკუთარი მოლოდინები სახელოვანმა მებრძოლმა ისრაელ ადესანიამ გააზიარა და განაცხადა, რომ ბრძოლას რომან დოლიძე მოიგებს.

რას ამბობს ადესანია:

ვფიქრობ, რომან დოლიძე გაიმარჯვებს, რადგან ქართველია. როდესაც რომანი გირტყავს, ისე ჩანს, თითქოს აუცილებლად გატკენს. ვეტორს არც თუ ისე კარგი დაცვა აქვს და ამასთან, ძალიან დიდი თავიც აქვს.

შეგახსენებთ, რომ მარვინ ვეტორისა და რომან დოლიძის ორთაბრძოლა 18 მარტს, საქართველოს დროით 23:00 საათიდან გაიმართება.