ტრეი იანგი, სანდრო მამუკელაშვილი, ზაკ კოლინსი, კელდონ ჯონსონი, დევინ ვესელი
Aa
Aa

მამუკელაშვილის პროდუქტიული მატჩი | 5 ასისტი და 4 მოხსნა მეტოქის ფარზე

სანდრო მამუკელაშვილის „სან ანტონიო სპურსმა“ 2-მატჩიანი მოუგებელი სერია შეწყვიტა და „ატლანტა ჰოუქსი“ საკუთარ კედლებში დაამარცხა - 126:118. მატჩის პირველი ტაიმი ჯორჯიელების იყო და „ატლანტამ“ გახსნითი მეოთხედი 6 ქულით მოიგო, შესვენებაზე კი 22-ქულიანი უპირატესობით გავიდა. მე-3 პერიოდში „სან ანტონიო" თამაშში დაბრუნდა და ჩამორჩენა 3 ქულამდე დაიყვანა, ხოლო გადამწყვეტ თორმეტწუთეულში მეტოქეზე 11-ით მეტი ქულა ჩააგდო - 26:15.

მამუკელაშვილმა სათადარიგოთა სკამზე დაიწყო და პროდუქტიული მატჩი ჰქონდა. ქართველმა კალათბურთელმა თითქმის 19 წუთი ითამაშა და აქტივში 7 ქულა, 6 მოხსნა, 5 შედეგიანი გადაცემა და 1 დაფარება ჩაიწერა. სანდრომ 4-დან 1 ორქულიანი, 3-დან 1 სამქულიანი და 2-დან 2 საჯარიმო ჩააგდო. „მამუმ“ 4 მოხსნა მეტოქის ფარზე გაიფორმა, დაკარგვა არ ჰქონია და 1 ჯარიმა მიიღო.

„სპურსს“ 29-29 ქულით კელდონ ჯონსონმა და დევინ ვესელმა ულიდერეს, ზაკ კოლინსს 19 ქულა და 8 მოხსნა ჰქონდა, ჯონსმა და ჩემპეინმა კი 11-11 ქულა გააკეთეს. „ატლანტას“ მხრიდან ყველაზე მეტი, 22 ქულა დეჟონტე მიურეის ანგარიშზეა, კლინტ კაპელმა 15 ქულა და 12 მოხსნა გაიფორმა, ხოლო ტრეი იანგს ცუდი მატჩი ჰქონდა და 9 ქულასა და 6 ასისტს დასჯერდა.

ცნობისთვის, „სან ანტონიოს“ 19 მოგება და 52 წაგება აქვს. გრეგ პოპოვიჩის გუნდი დასავლეთ კონფერენციის ბოლოსწინა ადგილს იკავებს და მომდევნო მატჩს 22 მარტს, „ნიუ ორლეან პელიკანსის“ წინააღმდეგ გამართავს.

მსგავსი სიახლეები

ცხელი ამბები
ასევე დაგაინტერესებთ
პენალტის ეპიზოდში, დი ლორენცომ კვარაცხელია დაამშვიდა - რა თქვა ამაზე სპალეტიმ
პენალტის ეპიზოდში, დი ლორენცომ კვარაცხელია დაამშვიდა - რა თქვა ამაზე სპალეტიმ