ბორჯღალოსნები ევროპული ტრიუმფის შემდეგ საქართველოში დაბრუნდნენ
საქართველოს მორაგბეთა ეროვნული ნაკრები რაგბი ევროპის ჩემპიონატზე ტრიუმფის შემდეგ სამშობლოში დაბრუნდა.
ბორჯღალოსნებს თბილისის საერთაშორისო აეროპორტში გულშემატკივრებმა საზეიმო დახვედრა მოუწყვეს, რომლის შემდეგაც ქართველმა მორაგბეებმა პორტუგალიასთან მატჩი შეაფასეს და სამომავლო მიზნებზე ისაუბრეს.
შეგახსენებთ, რომ რაგბი ევროპის ჩემპიონატის ფინალში საქართველოს მორაგბეთა ნაკრებმა პორტუგალია 38:11 დაამარცხა და ტურნირის ჩემპიონობა ზედიზედ მეექვსედ, ისტორიაში კი მეთხუთმეტედ იზეიმა.
