შერმადინის 15 ქულა - ტენერიფემ გრან კანარიას მოუგო
ესპანეთის ACB ლიგის 24-ე ტურში გიორგი შერმადინმა და „ლენოვო ტენერიფემ“ „გრან კანარიას“ წინააღმდეგ მნიშვნელოვანი გამარჯვება მოიპოვა - 81:77.
დაძაბული შეხვედრა, რომელიც ქულაქულაში მიდიოდა, საბოლოოდ „ტენერიფემ“ მარსელინიო უერტასის ბრწყინვალე თამაშის წყალობით მოიგო.
????♂️ Decid algo vosotros de esto de @Huertas09, que a mí ya se me han acabado las ideas...
— Liga Endesa (@ACBCOM) March 26, 2023
???? @vamos | #ListosParaRomperla #LigaEndesa | @CB1939Canarias pic.twitter.com/O4PEYr4a9T
რაც შეეხება შერმადინს, მან ჯამში 19:47 წუთი ითამაშა, 15 ქულა ჩააგდო, 3 მოხსნა მიითვალა, 2 გადაცემა შეასრულა და 1 დაფარებაც ჰქონდა. ქართველმა ცენტრმა 7-დან 4 ორქულიანი და 8-დან 7 საჯარიმო გამოიყენა. მისი მარგი ქმედების კოეფიციენტი 17 იყო, გუნდში მეორე შედეგი.
¡¡Al límite, Shermadini!!
— Basket en Movistar Plus+ (@MovistarBasket) March 26, 2023
???? Sherminator se la prepara, Sherminator ejecuta. #LigaEndesa pic.twitter.com/KeCpwknlJW
უერტასს 20 ქულა ჰქონდა. მეტოქის მხრიდან 21 ქულით ოლეკ ბალჩეროვსკი იყო გამორჩეული.
ამ გამარჯვების შემდეგ, „ტენერიფე“ მე-4 ადგილზე იმყოფება - 17 მოგება და 6 მარცხი.
შერმადინი და „ტენერიფე“ 25-ე ტურს 29 მარტს ჩაატარებს, მათი მატოქე „მანრესა“ იქნება.